منتديات كتيبة الاحرار

الصوت الحسيني الهادف
 
الرئيسيةمكتبة الصورالتسجيلدخول

شاطر | 
 

 يامحمد === يامحمد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جابر النجفي
عضو جديد
عضو جديد


ذكر
عدد الرسائل : 1
العمر : 64
العمل/الترفيه : مهندس
المزاج : جيد
مزاجك اليوم :
المهنة :
الهواية :
علم الدولة :
تاريخ التسجيل : 20/02/2010

مُساهمةموضوع: يامحمد === يامحمد   الجمعة أبريل 06, 2012 10:31 pm

بسم الله الرحمن الرحيم
اللهم صل على محمد وآل محمد وعجل فرجهم

يامحمد == يامحمد
ــــــــــــــــــــــــــــــــــــــــــــــــــ ـــــــــــــــــــ
يامحمّـــــد === يامحمّــــد
زهرة الأحزان راحــــــتْ === والسمه مهضومه ناحتْ
يامحمّـــــد === يامحمّــــد
ــــــــ
يامحمــــد يانبينـــــــــه == بالدمع نهتف إجينه
غابت الزهره الحزينه == والضلــــع ظل إبأنينه
والوصي إيهدّي بنينــه == ضاعت أيّامه إو سنينه
زينب الحرّه طعينه == فارگتْ أمها الأمينه
غابتْ أمها === غابتْ أمها
وإبتدتْ إحزان لاحــــتْ === والسمه مهضومه ناحتْ
يامحمّـــــد === يامحمّــــد
ــــــــ
روّعتْ روح الشفيعــــه == زمرة الشر الوضيعه
كسرة الضلع الفضيعه == آلمــتْ حامي الشريعه
والهُــــــدى ودّع ربيعـــــه == من صدى هول الفجيعه
بس هواها ما نبيعــــه == لو يجي الباطل جميعه
مِنْ أساها === مِنْ أساها
فاطمه ما يوم صاحتْ === والسمه مهضومه ناحتْ
يامحمّـــــد === يامحمّــــد
ـــــــ
نزلتْ الأملاك تحضرْ == مأتم الزهراء فاطمْ
شاهدتْ مغموم حيدرْ == والدمع يجريه ساجمْ
والهموم إتزيد تكثرْ == والظلام إبجور هاجمْ
زينب إبآلام تعثرْ == والحزن چتال ظالمْ
روّعوها === روّعوها
ريحة الأحقاد فاحــــتْ === والسمه مهضومه ناحتْ
يامحمّـــــد === يامحمّــــد
ــــــ
يارسول الكون بالهَمْ == حيدره الوالي علينه
والدموع إتسيل من دَمْ == ودّع الزهــــــره إبحنينه
من عطرها الطيب يشتمْ == لامــــــــس التُربه جبينه
تُربة الزهراء بلسمْ == للمُحب تشفي أنينه
ما نسينه === ما نسينه
من على الأعتاب طاحتْ === والسمه مهضومه ناحتْ
يامحمّـــــد === يامحمّــــد
ـــــــ
أرسل الدمعات تجــري == حيدره إبلوعه ينادي
يامُحمّد نار تســــري == والگلب هايم يهادي
هاذي أم إحسين تـــدري == ما حدث من الأعادي
تخبرك عن آه صدري == صار صبري دوم زادي
مارعونه === مارعونه
للعدل أطماع زاحـــــــــتْ === والسمه مهضومه ناحتْ
يامحمّـــــد === يامحمّــــد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldwdv
19124.mp
3.html
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يامحمد === يامحمد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كتيبة الاحرار :: منتدى اهل البيت عليهم السلام :: قسم اهل البيت عليهم السلام-
انتقل الى: